युवा दर्शन (कविता)

हे युवा हे परिवर्तनकारी शक्ति

आऊ बाहिर आऊ परिवर्तन ल्याउनु छ।

दिनभर घरमा कति बस्छौ ?

लुतो कनाउन अझै छाडेनौ ?

छोड लुतो कनाउन छोड

मलम लगाऊ,बाहिर आऊ

सङ्घर्ष गर,२\४ गोली खाऊ

समाज बनाउने जिम्मा तिम्रो हो।।।

हे युवा हे परिवर्तनकारी शक्ति

त्यो जाडोमा त्यो गर्मिमा,

प्रेमि प्रेमिकाको यादमा कति तड्पिन्छौ ?

प्रेमिकाको पिडाल्ना मुसार्न अझै छोडेनौ ?

छोड प्रेमिको दारि मुसार्न छोड

झुरे झाम्रे लुते कुते जे भएनि

आऊ सडकमा आऊ,२\४ लाठि खाऊ

देश बनाउने जिम्मा तिम्रो हो।।।