गजल
दिलको बस्तिमा दिल दिदा, प्यार पाए पछि।
के के भयो भित्री बदनमा, यार पाए पछि।
पागलै भएँ तिम्रो त्यो, अधर र नजरमा,
सूक्ष्म दृष्टिले नियाली हेर्दा, सार पाए पछि।
जीवनको एकल यात्रा यो, कठिन तिमी बिना,
आज सहज बनेछ झनै, आधार पाए पछि।
बिस्तारै भित्रीयो माया, भन्सार बाटा मनमा,
तिम्रो मुटुमा मेरो प्रेमले, बजार पाए पछि।
रंगमञ्च त्यो एउटै बन्यो, हर दिन रात,
कञ्चन मनमा नेपथ्यको, तार पाए पछि ||
No comments:
Post a Comment